|
|
广府话（也就系白话）有专门个汉字同字典，潮汕话（鹤佬话）也有专门个实体字同价字典。作为广东三大民系，今下也就客家话么统一个汉字同客家话字典。梅州官员，尤其系文化部门个官员，你等人会唔会感到意丢面子？话好个‘世界客都’呢？今下意多细人子都唔晓得讲客家话了，唔使话细人子，就系80后，尤其是85后，意多客家话都讲唔准，你等人还话自家系‘世界客都’？真真系么面么皮！
当初吖只世界客都就应该放啊台湾！唔使话你等人今下做了有几多有益客家话发展个事，也唔使列举数据，只爱实实在在个客家汉字同字典拿出来，如果唔咩你等人就系失职！！脉鸡系客家人？唔咩祖籍甚至客家地方出生个就系客家人，连自家个母语都唔晓讲，凭脉鸡话对方就系客家人？‘宁卖祖宗田不忘祖宗言’，以后客家话要系绝代了，你等人死后都爱奔人骂，你等人个后代也会奔人骂。今下客家话系消失最快个地方方言之一，今下你等人还唔想办法保护？还讲脉鸡打造‘广东文化高地’，连具体个汉字同字典都么，就敢大炮顶咚，讲出去你等人就唔怕广府人同鹤佬人笑话？唔使话客家话保护有几难，每只地方客家话都唔一样，难道白话同鹤佬话都系统一？难道佢等人就么各自个方言？你等人就唔会会同各地客属地区一下来参与编辑？不管吖件事有几难，你等人都应该爱去做。再难还难得过修长城？再难还难得过编四库全书？请你等人用客家话来回复涯。
唔单止爱出实体汉字同字典，还应该借助互联网个帮助大力推广客家话，例如白话有专门个输入法（好像QQ拼音专门有只白话版块）。另外客家童谣也爱一同收集起来，例如‘月光光秀才郎’，今下有几多只细人子还晓得讲？唔使话其他，作为政府官员，你等人个子女还有几多讲得出来？悲哀！再次申明：请你等人用客家话来回复涯。
客家字典可以用《客家字典》、《客家话字典》或者《大全》等来命名，而你等人作为编辑者，姓名也将在字典编辑名单当中，世世代代大家人都记得你等人为客家话作出个贡献。
|
|
|Archiver|兴宁A8
( 粤ICP备17110913号 粤公网安备44140202000139号) 
发表于 2017/1/6 21:42
发表于 2017/1/6 23:14